Prezıdent Qasym-Jomart Toqaev medısına salasynyń qyzmetkerlerin búgingi kásibı merekelerimen quttyqtady, dep habarlaıdy Almaty-akshamy.kz.
«Medısına qyzmetkerlerin kásibı merekesimen quttyqtaımyn! Sizder óz mindetterińizdi abyroımen atqaryp, el qurmetine bólenip júrsizder. Ult saýlyǵy – basty baılyǵymyz. Memleket densaýlyq saqtaý salasyna árdaıym erekshe nazar aýdaryp, dárigerlerge únemi qoldaý kórsetedi», - dep jazdy Memleket basshysy Twitter akkaýyntynda.
Budan bólek, Qazaqstannyń medısına qyzmetkerlerin kásibı merekemen Dúnıejúzilik densaýlyq saqtaý uıymynyń bas dırektory Tedros Gebreıesýs quttyqtap, sala mamandarynyń alańsyz qyzmet atqarýyna jaǵdaı jasaý búkil adamzat mindeti ekenin eske saldy.