Búgin elimizde alǵash ret Ákeler kúni merekesi atalyp ótedi.
Naýryz aıynda Ashyq NQA portalynda jarıalanǵan Úkimet qaýlysynyń jobasynda atalǵan merekeni bekitý usynysy kóterilgen bolatyn. Bastama negizinde Ákeler kúnin maýsymnyń úshinshi jeksenbisine belgileý josparlandy, dep habarlaıdy Almaty-akshamy.kz.
Araǵa eki aı salyp, Premer-Mınıstr Álıhan Smaıylov tıisti Úkimet qaýlysyna qol qoıdy. Tıisinshe, mereke resmı bektildi.
Ákeler kúnin atap ótýge bastamashy bolǵan Aqparat jáne qoǵamdyq damý mınıstrliginiń málimetinshe, atalǵan mereke elimizdegi otbasy ınstıtýtyn nyǵaıtýǵa yqpal etpek.
«Merekelik kúnderdiń tizbesine «Ákeler kúni» merekesin engizý Qazaqstandaǵy otbasylyq qundylyqtardy ilgeriletýge, otbasy ınstıtýtyn nyǵaıtýǵa, sondaı-aq ákeler ınstıtýtyn damytýǵa yqpal etedi. Mundaı mereke kóptegen álem elderinde bar», - dep málim etti mınıstrlikten.