Qazaqstanda alǵash ret 2023 jyldyń 22-23 shildesinde Qonaev qalasynda «Myń boıaýly aspan» áýe sharlary festıvali ótýde.
Almaty oblysynyń týrızm ındýstrıasy - ornalastyrý, kirý jáne ishki týrızm boıynsha respýblıkada aldyńǵy qatarda.
Elimizde alǵash ret álemniń túkpir-túkpirinen 30 shar aspanǵa kóterilip, barlyǵyn jarqyn áserlerimen qýantty, dep habarlaıdy Almaty-akshamy.kz.
Halyqaralyq sharlar festıvalin uıymdastyrýshylardyń basty maqsaty – qaldyqtardy bólek jınaý, qaıta óńdeý, ekologıalyq taza qaıta óńdeýge bolatyn ydys-aıaqtar men basqa da ekomaterıaldardy paıdalaný arqyly tabıǵatqa jáne onyń resýrstaryna qurmetpen qaraýdy nasıhattaý.
Festıválde Almaty oblysynyń ákimi Marat Sultanǵazıev quttyqtaý sóz sóıledi.
– «Oblysta týrızmdi ilgeriletý jáne damytý oqıǵaly (sobytıınyı) týrızmine negizdelgen. Osyǵan oraı, búgingi «Konayev international balloon fest» shar festıvaliniń is-sharasy bizdiń óńirimizdegi aıtýly oqıǵa bolmaq, bul bizdiń qonaqtarymyz úshin tabıǵattyń sulýlyǵyn tamashalaýǵa tamasha múmkindik bolyp tabylady jáne siz munda bir-birińizben tanysýǵa, dostyq qarym-qatynas ornatýǵa jáne umytylmas áser alýǵa ýaqyt tabasyz. Búgin tańǵy saǵat 5-ten bastap festıválge jınalǵan kórermender osyndaı sulýlyqty tamashalaýǵa shabyttandy, tipti saǵat 7-ge taman sharlarmen bıiktikke shyǵýǵa nıet bildirgenderdiń úlken kezegi paıda boldy. Iaǵnı, osy arqyly biz oqıǵaly týrızmniń jumys isteı bastaǵanyn kórsetemiz.
Biz bul sharaǵa 6 aı boıy daıyndaldyq, taldaı kele, Qazaqstanda sharlarǵa arnalǵan is-sharalar bolmaǵanyn kórdik. Áleýmettik jeli qoldanýshylary túsiniktemelerde Qonaev turǵanda Kappadokıaǵa barýdyń qajeti joq dep jazyp jatyr»- dedi óz sózinde aımaq basshysy.
Sondaı-aq, Óńirdiń týrısik áleýetin óńirde keńinen nasıhattaý maqsatynda «Tengrı últra» halyqaralyq Uly dala marafony, halyqaralyq İle-Balqash regatasy ótkizildi, «BBC News» halyqaralyq telearnasynda (450 mıllıon aýdıtorıa) óńirdiń ásem de baı tabıǵaty týraly jarnamalyq naýqan bastalǵanyn atap ótemiz.
