Almatydaǵy ál-Farabı dańǵylynyń ońtústik qaptalyndaǵy jol jóndeý jumystary aıaqtaldy: dańǵyldyń soltústik jaǵy jóndelip jatyr, dep habarlaıdy Almaty-akshamy.kz
Almatyda ál-Farabı dańǵylyndaǵy jol jóndeý jumystary kestege sáıkes júrgizilip keledi jáne jańa oqý jylyna deıin aıaqtalady. Qazirgi ýaqytta Toraıǵyrov kóshesinen Dostyq dańǵylyna deıingi joldyń ońtústik jaǵynda jóndeý jumystary aıaqtaldy – qozǵalys ashyq. Nazarbaev jáne Dostyq dańǵyldaryna burylystar da jóndeldi.
Kelesi kezeń - ál-Farabı dańǵylynyń soltústik qaptalyndaǵy kólik jolaǵyn jóndeý.
22 shilde saǵat 23:00-den 24 shilde saǵat 07:00-ge deıin ál-Farabı dańǵylynyń Jarbulaq ózeninen Seıfýllın dańǵylyna deıingi aýmaqta polımerli asfáltbeton jabynyn tóseýge baılanysty batys baǵytta kólik qozǵalysy tolyq shekteledi.
Jol qozǵalysy qaýipsizdigin qamtamasyz etý úshin Jarbulaq ózeninen Markov kóshesi aralyǵynda reversıvti qozǵalys bolady.
Qozǵalys qaýipsizdigin patrúldik polısıanyń qyzmetkerleri qamtamasyz etedi. Jol jóndeý jumystary jaıly sońǵy jańalyqtar qala ákimdigi men qalalyq mobıldilik basqarmasynyń resmı paraqshalarynda, sonymen qatar, 2GIS qosymshasynda qoljetimdi.
Esterińizge sala keteıik, Almatydaǵy magıstraldyq kóshelerge jol tósemin tóseýde alǵash ret jańa tehnologıalardy qoldanyldy. Asfáltbetondardyń quramynda polımerler qoldanylady. Mundaı qospalar tozýǵa tózimdi, jumsarý temperatýrasy joǵary (65-70°C), ystyqqa tótep berip, áldeqaıda uzaǵyraq qyzmet etedi. Qazirgi 5 jyldyń ornyna 8-10 jyl paıdalanýǵa bolady.
Jol jóndeý jumystary 2023 jylǵa josparlanǵan jumystar aıasynda júrgizilip otyr. Ýaqytsha qolaısyzdyqtar úshin keshirim ótinemiz. Bul qala joldary uzaǵyraq paıdalanýǵa qajetti shara. Marshrýtty aldyn ala josparlap alyńyzdar.