«Jasyl aýla» jobasy Almaty qalasynyń Almaly aýdanynda bastaý aldy.
Qazirgi tańda bes negizgi aýlaǵa qaıta óńdelgen materıaldardy bólek jınaýǵa arnalǵan jańartylǵan torlar (plasıkalyq bótelkege arnalǵan bólek tor jáne tek alúmını bankaǵa arnalǵan bólek tor) qoıyldy, dep habarlaıdy Almaty-akshamy.kz.
«Jasyl aýla» jobasynyń maqsaty - qaldyqtardy bólek jınaý, ekologıalyq mádenıetti saqtaý jáne turǵyndarmen belsendi baılanys ornatý.
Joba Almaty qalasy ekologıa jáne qorshaǵan orta basqarmasynyń jáne «Jasyl Almaty» jobalyq keńsesiniń bastamasymen Almaty qalasyn damytýdyń Jol kartasy aıasynda júzege asty. Jobaǵa «EN Social» qoǵamdyq qory jáne ECO Network qoldaý kórsetti.
Joba aıasynda qamtylǵan aýlalardyń mekenjaılary:
- Qurmanǵazy kóshesi, 58;
- Jeltoqsan kóshesi, 166;
- Chaıkovskıı kóshesi, 25;
- Maqataev kóshesi, 130;
- Shagabýtdınov kóshesi, 45.
«Eger osy aýmaqtarda tursańyz, bizdiń jobamyzdy paıdalanǵanyńyzǵa qýanyshtymyz», - dedi «Jasyl Almaty» ekologıa baǵyty boıynsha jobalyq keńseniń basshysy Evgenıı Muhamedjanov.
Onyń aıtýynsha, mundaı torly konteınerler buryn qoqys alańdaryna qoıylǵan. «Ókinishke qaraı, olardyń barlyǵy qoqys alańyna aınaldy, turǵyndar basqa zattardy da tastaǵan. Óıtkeni adamdarǵa bul konteınerlerdiń ne úshin qajet ekenin eshkim túsindirgen joq. Endi biz bul jobany qaıtadan qolǵa alyp jatyrmyz jáne konteınerler ne úshin arnalǵany týraly aqparat ornattyq. Almatylyqtardy plasıkke arnalǵan konteınerge tek plasıkalyq bótelkelerdi, al basqa konteınerge - energetıkalyq jáne basqa da sýsyndardan qalaıy bankalardy salýǵa shaqyramyz», - dedi Evgenıı Muhamedjanov.
Ol Túrkistanda plasıkalyq bótelkeler qaıta óńdeletinin aıtty. Sodan olar máıki, kofta, jastyq, aýyl sharýashylyǵy men jol qurylysyna arnalǵan jabyndar shyǵarady. Alúmını bankalar da qaıta óńdeledi. Mysaly, Qaraǵandyda osyndaı bankalardan qazandar shyǵaratyn "Qazvtorchermet" zaýyty bar.
Qaıta óńdeýge arnalǵan konteınerler ýaqyt óte kele megapolıstiń basqa aýdandarynda da paıda bolady, dep habarlady Almaty ákimdiginiń jobalyq keńsesi.
Qurmetti qala turǵyndary, siz ózińizdiń aýlańyzda osyndaı konteıner qoıylǵanyn qalasańyz, ótinimdi myna nómir boıynsha qaldyra alasyz: +7 771 76 55 999 (WhatsApp).