Almaty qalasy boıynsha Qylmystyq atqarý júıesi departamentine qarasty №11 mekemede jazasyn ótep jatqan jasóspirimder men Almaty qalasy kolejderiniń stýdentteri arasynda shaǵyn fýtboldan joldastyq kezdesý ótti.
Kolonıanyń jasyl alańynda ótken shaǵyn fýtbolǵa Almaty tehnologıa jáne florıstıka kolejiniń «AKTIF» komandasy, Almaty sán jáne dızaın kolejiniń «Akmısi», Almaty logıstıka jáne kólik akademıasy kolejiniń «ALT» komandasy jáne balalar kolonıasynyń qyzmetkerleri men tárbıelenýshilerinen quralǵan «Jastar» qatysty.
Jarys tartysty ótti. Teńbil dopqa qumar jastar jasyl alańda qyzyqty oıyn órnegin kórsetti. 2:0 esebimen «ALT» komandasy basym túsip 1-oryn alsa, №11 mekemeniń «Jastary» 2-orynǵa ıe boldy.
– Biz jabyq mekeme bolǵanymyzben, isti bolyp, jazasyn ótep jatqan jasóspirimderdiń syrtqy ortamen baılanysyn múldem úzip tastamaımyz, osyndaı sporttyq is-sharalardy da jıi uıymdastyryp otyramyz. Bizde sportty súıetin balalar óte kóp. Sondyqtan ózi quralpy jastardy jıi shaqyryp, osylaı qoıan-qoltyq aralastyrý, olardyń bir-birine qoldaý kórsetýine jaǵdaı jasaý, uıymshyl bolýdy, bir-birinen jaqsy dúnıelerdi úırenýdi, jasóspirimder arasynda salaýatty ómir saltyn nasıhattaý da – tárbıe quraly, – deıdi mekeme bastyǵy ádilet polkovnıgi Almat Súleımenov.