OPEC+ uıymyna múshe segiz el beısenbi, 3 naýryzda Qazaqstannyń munaı óndirisin kvotadan asyryp jiberý máselesin talqylaıdy, dep habarlaıdy aqshamnews.kz
Bul týraly Reuters agenttigine eki delegat habarlaǵan.
Qazaqstannyń uıym kvotasyn oryndamaı, munaı óndirisinde qaıta-qaıta rekord ornatýy osy toptyń múshelerin, sonyń ishinde Saýd Arabıasyn ashýlandyrdy dep málimdedi derekkózder. OPEC+ Qazaqstandy munaı óndirisin qysqartýǵa, artyq óndiris esesin qaıtarýǵa shaqyryp otyr.
«Beısenbidegi kezdesý Qazaqstannyń jańa mınıstrine óndiriske qatysty talaptardy oryndaýdyń, artyǵynyń esesin qaıtarýdyń mańyzdy ekenin túsindirý úshin kerek», – deıdi delegattardyń biri.
Ótken aıda Qazaqstan energetıka mınıstrliginiń basshysy qyzmetine Erlan Aqkenjenov taǵaıyndalǵan.
OPEC+ elderi mamyr aıynda munaı óndirisin táýligine 135 myń barelge deıin ósirýdi kózdep otyr.
Osy aptada Reseı Qara teńizde Qazaqstan munaıyn eksporttaıtyn termınalǵa tankerlerdi qashyqtan bosatatyn eki nysandy jabýdy tapsyrdy. Endi munaı óndirisi eki ese azaıýy múmkin.
Qazaqstan 2024 jyly da, bıyl da uıym belgilegen qatty asyp ketip, kartel synyna ushyraǵan.
Al bıyl naýryzdyń basynda OPEC+ elderi munaı óndirisin sáýirden bastap arttyrýǵa kelisken.