Memleket basshysy Qasym-Jomart Toqaev Qazaqstandaǵy medısına qyzmetkerin kásibı merekelerimen quttyqtady, dep habarlaıdy Almaty-akshamy.kz Inform.kz-ke silteme jasap.
«Qurmetti dárigerler, medısına qyzmetkerleri! Barshańyzdy Medısına qyzmetkeri kúnimen quttyqtaımyn! Sizder adamgershilik pen izgilik murattaryna qaltqysyz qyzmet etip kelesizder. Qoǵamymyz dáriger paryzynyń erekshe mán-mańyzyna kún ótken saıyn kóz jetkizýde. Kóptegen daryndy jastar osy mamandyqty ıgerýge umtylyp jatyr. Memleket medısına qyzmetkerlerine jan-jaqty qoldaý kórsetip, densaýlyq saqtaý salasyn damytýǵa basa nazar aýdarady. Ult saýlyǵy – Jańa Ádiletti Qazaqstandy qurý jolyndaǵy memlekettik saıasatymyzdyń asa mańyzdy baǵyty. Sizderge eren eńbekterińiz, Gıppokrat antyna adaldyqtaryńyz úshin shyn júrekten rızashylyǵymdy bildiremin», - dep jazylǵan Prezıdent quttyqtaýynda.
Qasym-Jomart Kemeluly medısına salasynyń barsha qyzmetkerlerine zor densaýlyq, baq-bereke tilegen.