Asa iri kólemde esirtki kontrabandasy boıynsha sotqa deıingi tergep-tekserýdi Qarjylyq monıtorıń agenttigi júrgizýde.
Almaty oblysy İle aýdanyndaǵy «Kazposhta» AQ bólimine shetelden kosmetıkalyq buıymdar túrinde jasyrylǵan salmaǵy 777,4 gram esirtki ónimi kannabıs ekstrakty (gashısh maıy) salynǵan jóneltilim kelip túskeni anyqtaldy, dep habarlaıdy Almaty-akshamy.kz El.kz-ke silteme jasap.
Jóneltilimdi qabyldaýshy esirtki ónimderiniń zańsyz aınalymy úshin buryn sottalǵan azamat bolyp shyqty.
Onyń turǵylyqty jeri boıynsha tintý barysynda esirtkini shegýge arnalǵan qurylǵylar, qoldanylǵan shprıstar, zıp-paketter jáne taǵy basqa zattar tabyldy.
Atalǵan azamat sot sheshimimen qamaýǵa alyndy, tergeý amaldary jalǵasýda.
QPK-niń 201 babyna sáıkes ózge aqparat jarıa etýge jatpaıdy.
QR Konstıtýsıasynyń 77-babynyń 3-tarmaǵynyń 1-tarmaqshasyna jáne QR Qylmystyq-prosestik kodeksiniń 19-babynyń 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árkim kinásiz dep esepteledi.