Almatyda 1976 jyldan beri paıdalanylyp kele jatqan Dýnaevskıı kóshesimen ótetin 1,2 shaqyrymnan astam qubyr aýystyrylady, dep habarlaıdy almaty-akshamy.kz «Almaty jylý jelileri» JSHS-ne silteme jasap
2024 jylǵy 11 maýsymnan 15 qyrkúıekke deıin Almaty qalasynyń Bostandyq aýdanynda Dýnaevskıı kóshesiniń soltústik jaǵymen Jarokov kóshesinen batys baǵytta kólik qozǵalysy jabylady.
Qozǵalys tek batys baǵytta jabylady.
1976 jyldan bastap paıdalanýǵa berilgen, atalǵan kóshe segmentiniń júris bóliginiń astynan ótetin jalpy uzyndyǵy 1240 metr qubyrdy qaıta jańartý ýchaskesinde josparly jumystardy júrgizý qaýipsizdigin qamtamasyz etý úshin ýaqytsha shekteýler engiziledi. Bul qubyr 153 kóppáterli turǵyn úıdi, 7 jeke úıdi, 5 balabaqshany, 4 mektepti, 2 densaýlyq saqtaý obektisin jáne 15 ózge de obektilerdi jylýmen jáne ystyq sýmen qamtamasyz etedi. Atalǵan tutynýshylarǵa rekonstrýksıa júrgizý kezeńinde ystyq sýmen jabdyqtaý saqtalady.
Ýaqytsha qolaısyzdyqtarǵa túsinistikpen qaraýdy jáne kórsetilgen ýchaskeni aınalyp ótý joldaryn aldyn ala qarastyrýdy suraımyz.