Álemdegi jetekshi feroqorytpa óndirýshilerdiń biri sanalatyn «Qazhrom»TUK» AQ irgesi qalanǵaly beri feroqorytpa óndirisindegi mereıli meje – 40 mıllıonynshy tonna ónim shyǵardy.
Bul aıtýly ónim kompanıa fılıaldarynyń biri Aqsý feroqorytpa zaýytynyń tuńǵyshy – 21-peshte balqytyldy, dep habarlaıdy aqshamnews.kz.
1995 jyly Qazhrom Aqsý jáne Aqtóbe feroqorytpa zaýyttaryn biriktirgende, olardyń jyldyq óndirisi – 650 myń tonnadan sál ǵana asatyn. Búgingi kúni óndiristi aýqymdy modernızasıalaý jáne zamanaýı tehnologıalardy engizý arqasynda Qazhrom zaýyttary úsh ese kóp ónim shyǵarady jáne osy salada jetekshi pozısıalardy ustap keledi.
«40 mıllıonynshy tonna feroqorytpaǵa qol jetkizý – bul jaı ǵana san emes, turaqty damýdyń jáne kompanıa turaqtylyǵynyń belgisi. Kompanıa óz jumysyn júrgizip jatqan óńirlerdiń jáne jalpy eldiń ekonomıkasyna úlken úles qosýdy jalǵastyryp jatyr. Biz únemi tıimdilikti ilgeriletip, qyzmetkerlerdiń biliktiligin arttyrý jáne únemdi óndiristi engizý baǵytynda úzdiksiz jumys isteımiz», – atap ótti «Qazhrom» TUK» AQ bas dırektory Sergeı Prokopev.
2024 jyly Qazhromda feroqorytpalardyń jyldyq óndirisinde jańa tarıhı rekord tirkeldi. Bul búgingi jetistikke jetý jolyndaǵy mańyzdy kezeń boldy. Ótken jyldyń qorytyndysy boıynsha taý-ken metalýrgıa kompanıasy feroqorytpalar shyǵarý boıynsha burynǵy eń joǵary kórsetkishten asyp tústi. Jyldyq esepte kólem 14%-ǵa ósip, 1,8 mıllıon tonnaǵa jetti.
«Qazhrom» TUK» AQ – Qazaqstannyń taý-ken metalýrgıa ónerkásibindegi iri jumys berýshilerdiń biri. Kompanıanyń jalpy qyzmetkerler sany – 18 myń adamnan asty. Kompanıa óndiristi sıfrlandyrýdy, resýrs bazasyn keńeıtýdi jáne ekologıalyq kórsetkishterdi jaqsartý baǵytarynda strategıalyq jobalardy belsendi túrde damytyp keledi.
2024 jyldyń qorytyndysy boıynsha kompanıa Ortalyq Azıa elderi kásipodaqtar keńesiniń (OAEKK) bastaýysh uıymdary arasynda «Úzdik áleýmettik seriktes» halyqaralyq baıqaýynyń jeńimpazy atandy. Bul Qazhromnyń áleýmettik seriktestik jáne qyzmetkerlerdiń múddelerin qorǵaý salasyndaǵy joǵary deńgeıin rastaıdy.