Sheteldik valútaǵa aýystyrǵanda, kelisim somasy 1,1 mlrd dollardy quraıdy.
«Qazaqtelekom» Tele2/Altel-di Katarlyq Power International Holding (PIH) kompanıasyna satýdy aıaqtaýda, dep jazylǵan ulttyq kompanıanyń jartyjyldyq esebinde, dep habarlaıdy aqshamnews.kz.
Osy jyldyń 4 maýsymynda Tele2/Altel satý týraly kelisimge qol qoıylǵan bolatyn. Endi kelisimniń negizinde barlyq jumystar osy jyl ishinde aıaqtalady dep kútilýde.
«2024 jylǵy 30 maýsymdaǵy jaǵdaı boıynsha «Mobaıl TelekomServıs» JSHS (MTS) aktıvteri satýǵa arnalǵan aktıvter retinde, al mindettemeleri satýǵa arnalǵan aktıvtermen tikeleı baılanysty mindettemeler retinde jikteldi jáne sáıkesinshe 536,2 mlrd teńge jáne 177 mlrd teńgeni qurady. Kompanıanyń esebine sáıkes, «Qazaqtelekom» «MTS» JSHS-in 536,2 mlrd teńgege satylýda», – delingen qujatta.