Prezıdentimiz kóptegen mańyzdy máselelerge toqtaldy. Ásirese, saıası reformalardyń júrip jatqandyǵyna jáne eń bastysy ádiletti Qazaqstandy birtindep ornatyp jatqandyǵymyzǵa basa nazar aýdardy.
Prezıdent halyqtyń úkimettiń sózin tyńdaıtynyna erekshe mán berdi. Shynynda da, halyqtyń pikirine qulaq asý, olardyń máselelerine nazar aýdarý – joldaýda aıtylǵan basty mindetterdiń biri. Halyqtyń áleýmettik jaǵdaıyn jaqsartý úshin ne isteý kerektigine toqtalyp ótti. Ol úshin shaǵyn bıznesti orta bızneske tartý qajet ekenin jáne orta tap ókilderiniń sanyn kóbeıtý kerektigin aıtty.
Sondaı-aq, elimizdiń qýatty bolýy osynyń bárine baılanysty ekenin atap ótti. Saıası reformalarǵa qatysty mysaldar keltirip, qazirgi kezde aýyl ákimderiniń 90 paıyzy tikeleı halyqtyń saılaýymen saılanǵanyn aıtty. Kelesi kezeńde aýdan jáne oblys ákimderi de halyqtyń tikeleı daýys berýimen saılanatyn bolady.
Bul da úlken jańalyq. Prezıdent joldaýdaǵy toǵyz negizgi máselege jeke-jeke toqtalyp ótti. Árbir Qazaqstan azamaty osy joldaýdan óz qorytyndysyn shyǵaryp, memlekettiń damýyna óz úlesin qosý qajet dep oılaımyn.