Baspa salasynyń maıtalmany, maıdanger aqyn, jýrnalısiń týǵanyna 100 jyl toldy.
Memorıaldyq taqta Eset Áýkebaev turǵan Qurmanǵazy kóshesi, 90 úıdiń qabyrǵasyna ornatyldy, dep habarlaıdy Almaty-akshamy.kz tilshisi.
Ashylý saltanatyna Qazaqstan Respýblıkasy Jazýshylar odaǵynyń ókilderi, baspasóz ardagerleri, jýrnalıser men pýblısıser qatysty. Qatysýshylar óz áriptesteri men tálimgeriniń otandyq ádebıet pen kitap isin damytýǵa qosqan eleýli úlesin atap ótti.
Saltanatty sharada Eset Áýkebaevtyń (1921-2008) ómirbaıany eske alyndy.
Eset Áýkebaev Shyǵys Qazaqstan oblysy, Zaısan aýdany, Terekti aýylynda dúnıege kelgen. Qıyr Shyǵystaǵy shaıqastarǵa qatysqan maıdanger ómirin ádebıetke arnaǵysy keldi. 1963 jyly Qazaq memlekettik ýnıversıtetiniń jýrnalısıka fakúltetin bitirgen. 1956-1969 jyldary «Sosıalısik Qazaqstan» respýblıkalyq partıa gazetinde redaksıa qyzmetkeri, keıin respýblıkalyq «Jazýshy» kórkem ádebıet baspasynyń bas redaktory boldy.
Eset Áýkebaevtyń «Shekarashynyń sózi» atty tuńǵysh óleńder jınaǵy 1954 jyly jaryq kórdi. Odan keıin ár jyldary «Tań sáýlesi», «Dosyma hat», «Bıik taýlar», «Birlik aǵashy» jınaqtary jaryq kórdi.
Osy shyǵarmalary arqyly ol qalamgerlerdiń tutas bir býynyn tárbıeledi. Olardyń qatarynda Qazaqstan Respýblıkasy Jazýshylar odaǵy tóraǵasynyń orynbasary, aqyn Baýyrjan Jaqyp ta bar. Saltanatty shara barysynda ol qan maıdandy keship ótken Eset Áýkebaevtyń óleńderi týǵan jerge degen súıispenshilikti oıatatynyn atap ótti. Ádebı qyzmette de, baspa isinde de jaýapkershiligi mol jan edi, ózinen keıingi jas áriptesterin de sol rýhta tárbıeledi.
Bul sózderdi «Mektep» baspasynyń bas dırektory Erlan Satybaldıev te rastap, Eset Áýekbaevtyń basshylyǵyndaǵy jumys ol úshin kásibı sheberlik mektebine aınalǵanyn aıtty.
«Men «Jazýshy» baspasyna 40 jyl buryn, Eset Áýkebaev bas redaktor bolyp turǵanda kelgenmin. Ol kezde oqyrmandar kóbeıip, kitaptar óte úlken tırajben basylyp, baspa basshysy retinde oǵan úlken jaýapkershilik júkteldi. Qol astyndaǵylardyń biri qatelesse, taıaq Eset Áýkebaevqa tıetin. Biraq ol bizdi keshire bildi – soǵys kórgen maıdanger retinde janashyrlyqpen qaraý kerek ekenin jaqsy bilse kerek. Sonymen birge ol bizdi kásibılikke úıretip, óte jaqsy ujym jınady. Ol óz qaramaǵyndaǵy talantty bolǵanymen, minez-qulqy ár túrli adamdardy bir úıdiń balasyndaı jumyldyra aldy», - dep pikir bólisti Erlan Satybaldıev.
Eset Áýkebaevanyń kelini Tatána Áýkebaeva Almaty qalasynyń ákimdigine jáne barlyq áriptesterine eskertkish taqta ornatqany úshin otbasynyń atynan alǵysyn bildirdi.
«Eset Áýkebaevtyń beınesin tolyq ashatyn jyly sózder aıtyldy. Biz, áýlettiń óskeleń urpaǵy, ony saǵynyshpen eske alamyz. Ol bizge soǵys týraly, óziniń qyzmeti týraly kóp aıtatyn, biz bul oqıǵalardy kúni búgingideı este saqtaımyz. Alpys jasqa tolǵan mereıtoıynda oǵan polkovnık sheniniń berilgeni esimde – ol naǵyz maıdanger, týǵan jerine adal adam bolǵanyn maqtan tutatyn. Zeınetkerlikke shyqqan soń ýaqytyn nemerelerine arnady, mektepke ertip bardy. Olar odan kóp nárse úırendi», - dep túıindedi sózin Tatána Áýkebaeva.