Bıyl jalpy uzyndyǵy 23,8 shaqyrym ınjenerlik jeliler, onyń ishinde 19,3 shaqyrym sýmen jabdyqtaý, 4,5 shaqyrym sý burý qubyrlary tartyldy.
Jetisý aýdanynyń ákimi Gúlnar Kókebaeva Óńirlik komýnıkasıalar qyzmeti alańynda sóz sóılep, halyqtyń ómir súrý sapasyn arttyrý úshin ınfraqurylymdar jańaryp, joldar jóndelip, aryq júıesi rettelgenin aıtty, dep habarlaıdy Almaty-akshamy.kz
Ákimdik gazdandyrý qarqynyn arttyrýdy jalǵastyrýda jáne bul is-sharalardy abattandyrýmen úılestirýde. Jetisý aýdanynda 521 km magıstraldyq gaz jelileri ótedi, ıaǵnı halyqtyń 99,6%-y tabıǵı gazben qamtamasyz etilgen.
Sonymen qatar, osy jyly Taımyr kóshesindegi 47 úı buryn «Kedentransservıs» JSHS elektrmen jabdyqtaýdyń qalalyq jelilerine qosyldy.
Gúlnar Kókebaeva jalpy uzyndyǵy 17,9 km bolatyn 10 kóshege asfált tóseý jumystary tolyq aıaqtalǵanyn, sonymen qatar, jalpy uzyndyǵy 17,3 km bolatyn 23 kóshege ınjenerlik jelilerdi tósegennen keıin asfált qalpyna keltirilgenin habarlady. Jyl basynan beri 107 kósheni qamtı otyryp, 38 myń sharshy metrden astam shuńqyrlardy jóndeý jumystary júrgizildi.
Uzyndyǵy 108,9 km 75 kóshede trotýarlar salyndy, 2021 jyly uzyndyǵy 4,8 km 14 mekenjaı boıynsha qosymsha trotýarlar salyndy.