Bul týraly Almaty qalasy ákimi turǵyndarymen kezdesýi barysynda aıtty.
Túrksib aýdanynda 486 kósheniń 439-y nemese 90%-na asfált tóselgen, dep habarlaıdy Almaty-akshamy.kz
«Jol ınfraqurylymy qanaǵattanarlyq jaǵdaıda. Aýdanda 486 kósheniń 439-y nemese 90%-ti asfálttalǵan. Osy jyly qalǵan 47 kósheden 10,2 km 17 kóshege jol tóseminsiz ortasha jóndeý jumysy júrgiziledi», – dedi Erbolat Dosaev.
Al Qaırat jáne Álmerek shaǵynaýdanyna 2 jyldyń ishinde sýmen jabdyqtaý jelileri salynyp, asfált tóseledi.
«2022 jyldyń jeltoqsan aıynda Qulja kúre joly – Buqtyrma kóshesiniń qıylysyndaǵy kólik jolaıryǵynyń qurylysy aıaqtalady. Bıyl 7 kóshege 5 shaqyrym trotýar salynady. 65 kóshege taǵy 53 km trotýar qajet. Bul jumystar jalǵasatyn bolady», – dedi ol.
Sondaı-aq jaıaý júrginshilerdiń Rysqulov dańǵyly men Erjanov kóshesiniń boıyndaǵy magıstraldy temir jol ýchaskesin qaýipsiz kesip ótýi úshin qyrkúıek aıynda 2 jerústi ótkelin salýǵa memlekettik saraptama alynady. Jumystar 2023 jyldyń birinshi toqsanynda bastalady.