Ábý-L-Hasan Rýdakı — tájik klasıkalyq ádebıetiniń negizin salýshy, fılosof.
Senat Tóraǵasy Máýlen Áshimbaev pen Qazaqstanǵa resmı saparmen kelgen Tájikstan Olı Majlısi Mıllı Majlısiniń tóraǵasy Rýstamı Emomalı aqyn, tájik jáne parsy klasıkalyq ádebıetiniń negizin qalaýshy Ábý Abdallah Rýdakıdiń eskertkishin ashý rásimine qatysty, dep habarlaıdy Almaty-akshamy.kz
«Aıqyn» basylymynyń jazýynsha, eskertkishtiń ashylý saltanatynda sóz sóılegen Máýlen Áshimbaev bul shara Qazaqstan astanasynyń mádenı ómirindegi mańyzdy oqıǵa bolyp tabylatynyn jáne Qazaqstan-Tájik yntymaqtastyǵynyń damý tarıhyna enetinin atap ótti.
«Qazaqstanda uly aqyn Ábý Abdallah Rýdakıdiń shyǵarmashylyq murasyn joǵary baǵalaıdy. Onyń poezıasy álemdik mádenıettiń qazynasyna endi. Omar Haııam, Nızamı, Fırdoýsı, Djámı jáne Rýmı sıaqty Shyǵystyń kórnekti aqyndary men jazýshylary Rýdakıdiń shyǵarmashylyǵynan ósip shyqty. Búgin biz onyń aty berilgen kóshede tájik jáne parsy klasıkalyq ádebıetiniń negizin qalaýshy Abý Abdallah Rýdakıge eskertkish ashamyz. Dýshanbede qazaqtyń uly oıshyly Abaı atyndaǵy kóshe bar ekenin bilemiz. Ekijaqty qarym-qatynastarda mádenı-rýhanı baılanystar árdaıym berik kópir jáne irgetas bolyp qala beredi. Kórnekti tulǵalarymyzdyń estelikterin qurmetteý bizdi qýantady», – dedi Senat Tóraǵasy.
Rýdakıdyń óleńderi Qalıjan Bekhojın, Ǵalı Ormanov, Taıyr Jarokov, Qajym Jumaǵalıevterdiń aýdarmasy arqyly qazaq oqyrmanyna tanylǵan.