Dástúrli shara
Bedeldi álemdik buqaralyq aqparat quraldary top-menedjerleriniń kezekti kezdesýi elordada ótedi, dep habarlaıdy Almaty-akshamy.kz Qazaqtv.com saıtyna silteme jasap.
Dástúrli Astana Media Week sharasy 27-28 qyrkúıekke jospalanǵan.
Oǵan memleket qaıratkerleri, tele-kontenttiń iri dıstrıbútor-kompanıalarynyń ókilderi, sheteldik jýrnalıser, dokýmentalıster men blogerler qatysady. Sońǵy bes jylda medıa-sammıt eń ozyq ıdeıalar paıda bolatyn tanymal alańǵa aınaldy.
Aptalyq aıasynda qatysýshylar álemniń eń ózekti degen máselelerin talqylap, pandemıa jaǵdaıynda salany damytý týraly áńgimelesedi.
Moderatorlar qatarynda «Habar» agenttiginiń basqarma tóraǵasy Erlan Bekhojın, medıamenedjer Armanjan Baıtasov, «Habar» telearnasynyń dırektory Dınara Bısembına jáne basqa da sarapshylar bar.
«Astana Media Week aıasynda «Formats day» atty jabyq is-shara uıymdastyrylyp, kórsetiledi. Onda medıakontent ıegerleri Fremantle, Discovery, Universal, Kiss Media jáne t.b. sıaqty álemdik óndirýshi-dıstrıbútorlar jabyq formattaǵy is-sharaǵa qatysýshylarǵa ózderiniń úzdik jáne jańa jobalaryn tanystyrady. Sondaı-aq sheberlik sabaqtarynyń ishinde koýchıng, sheshendik óner salasyndaǵy kóshbasshylardyń biri Radıslav Gandapastyń sabaǵy bolatynyn atap ótý kerek», - dedi uıymdastyrýshy Lázzat Amanbekova.