Bul 1991 jyldan bergi statısıka.
Bıyl 4427 etnıkalyq qazaq tarıhı atamekenine oralyp, qandas mártebesin alǵan, dep habarlaıdy aqshamnews.kz
Resmı derekterdi Eńbek jáne halyqty áleýmettik qorǵaý mınıstrligi usyndy.
Jyl basynan Qazaqstanǵa kelgen qandastardyń kópshiligi kelesi elderden keldi:
45,8% – Qytaıdan;
40,9% – Ózbekstannan;
5,4% – Túrikmenstannan;
3% – Mońǵolıadan;
2,3% – Reseıden;
2,6 – basqa elderden.
2025 jylǵy 1 mamyrdaǵy jaǵdaı boıynsha eńbekke qabiletti jastaǵy etnıkalyq qonys aýdarýshylar sany 59,7%-dy, eńbekke qabiletti jastan kishi 31,9%-dy jáne zeınetkerler 8,4%-dy quraıdy. Eńbekke qabiletti jastaǵy qandastardyń ishinen bilim deńgeıi boıynsha 17,4%-y joǵary bilimdi, 26,8%-y orta kásibı bilimdi, 53,6%-y jalpy orta bilimdi, jáne 2,2% bilim joq.
Eńbek mınıstrligi elge oralǵan etnıkalyq qazaqtar respýblıkanyń túrli óńirlerine qonystanǵanyn atap ótti.
Sonymen birge, qandastardy qonystandyrý úshin kelesideı eńbek kúshi tapshy óńirler anyqtaldy:
Aqmola oblysy;
Abaı oblysy;
Qostanaı oblysy;
Pavlodar oblysy;
Atyraý oblysy;
Batys Qazaqstan oblysy;
Shyǵys Qazaqstan oblysy;
Soltústik Qazaqstan oblysy.
Qonystandyrý óńirlerinde 2025 jylǵa arnalǵan qandastardy qabyldaý kvotasy 2 309 adamdy quraıdy. 2025 jylǵy 1 sáýirdegi jaǵdaı boıynsha qonystandyrý óńirlerine 765 qandas qonys aýdardy.
Vedomstvo joǵaryda atalǵan óńirlerde qonystanǵan qandastarǵa kóshýge sýbsıdıa túrinde memlekettik qoldaý sharalary usynylatyndyǵyn aıtty:
bir mezgilde otaǵasyna jáne otbasynyń árbir múshesine 70 AEK (275,2 myń teńge) mólsherinde;
turǵyn úı jaldaýǵa jáne komýnaldyq qyzmetterge aqy tóleýge – bir jyl ishinde 15-ten 30 AEK (59-dan 118 myń teńgege deıin) mólsherinde.
Jyl basynan beri 339 qandasqa túrli qoldaý sharalary kórsetilip, 136 adam turaqty jumysqa ornalastyrylǵan.
Al, jalpy 1991 jyldan beri respýblıkaǵa 1 mln 152 myńnan astam etnıkalyq qazaq oralǵan.