El turǵyndary kóp uıyqtaıdy.
Ulttyq statısıka búrosynyń málimetine súıensek, qazaqstandyqtar uıqyǵa orta eseppen 9 saǵat 26 mınýtyn arnaıdy. Bul kórsetkish ǵalymdar usynǵan 7–8 saǵattyq qalypty uıqy mólsherinen joǵary.
Jalpy, el turǵyndary kúndelikti ýaqyttyń 54,2 paıyzyn – ıaǵnı shamamen 13 saǵatyn – jeke kútimge jumsaıdy. Onyń ishinde:
• Uıqyǵa – 9 saǵat 26 mınýt
• Tamaqtanýǵa – 1 saǵat 57 mınýt
Zertteý 10 jastan asqan 11 914 adam arasynda júrgizilgen. Aıta keteıik, mundaı taldaý elimizde ár alty jyl saıyn ótkiziledi.
Názik jandylar jumysqa azyraq ýaqyt jumsaıdy
Statısıka taǵy bir qyzyq derekti kórsetip otyr:
• Er adamdar jumysqa kúnine 9 saǵat 7 mınýt arnaıdy
• Áıelder – 7 saǵat 57 mınýt
Mamandar uıqynyń artyq bolýy keı jaǵdaıda sharshaý men ónimsiz kún tártibiniń belgisi bolýy múmkin ekenin aıtady. Alaıda mundaı nátıjeler halyqtyń jalpy ómir saltyn da aıqyndaıdy.
Eske sala keteıik, buǵan deıin uıqysyzdyqtyń paıdasy jaıly jazǵan bolatynbyz.