Bıyl maýsym aıynda turǵyn úıdi satyp alý-satý boıynsha 31 019 mámile tirkeldi.
Mamyr aıymen (30 500) salystyrǵanda kórsetkish 1,7% artty, dep habarlaıdy Almaty-akshamy.kz Ulttyq statısıka búrosynyń baspasóz qyzmetine silteme jasap.
Baspasóz qyzmetiniń málimetinshe, mámilelerdiń sany boıynsha Almaty jáne Nur-Sultan qalalary kósh bastap tur ( 4 410 jáne 3 850 shart). Mámile sany eń az bolǵan óńir Soltústik Qazaqstan oblysy – 686.
Shyǵys Qazaqstan (-11%), Atyraý (-9,1%), Batys Qazaqstan (-7,4%), Qaraǵandy (-5,4%) jáne Mańǵystaý (-4,3%) oblystarynda mámileler sanynyń tómendegen.
«Qazaqstandyqtardy kóbine kóp páterli úılerdegi turǵyn úı qyzyqtyrady, onda barlyǵy 21 388 mámile jasalǵan. Kóp páterli úılerdegi bólmeler sany turǵysynan 2 bólmeli páterler suranysqa ıe. Maýsymda 8,2 myń 2 bólmeli, 7,4 myń 1 bólmeli páter rásimdeldi. Jeke úıler boıynsha 9 631 mámile rásimdeldi. Jeke úılerdi ózge aımaqtarǵa qaraǵanda Almaty jáne Túrkistan oblystarynyń turǵyndary kóbirek satyp alady», - dep habarlady vedomstvo.
Aıta keteri, bıyl maýsymda turǵyn úıdi satyp alý-satý mámileleriniń sany byltyrǵy jyldyń maýsymymen salystyrǵanda 42,6% kemidi. Eń kóp tómendeýi Atyraý oblysynda tirkeldi – 64,8%.