Memlekettik kirister komıteti azamattarǵa salyq qaryzdaryn tóleýge keńes berdi
Qazaqstandyqtardyń múlik salyǵy boıynsha qaryzy 3,2 mlrd teńgeni qurady, dep habarlaıdy Almaty-akshamy.kz QR QM Memlekettik kirister komıtetine silteme jasap.
Osyǵan oraı Memlekettik kirister komıteti jeke sot oryndaýshylaryna alymdy tóleý esebinen boryshtyń ulǵaıýyn boldyrmaý jáne bereshekti májbúrlep óndirip alýǵa baılanysty qolaısyzdyqqa tap bolmaý úshin azamattarǵa salyq qaryzdaryn tóleýge keńes berdi.
«2021 jylǵy 10 aıdyń qorytyndysy boıynsha jeke tulǵalardyń menshiktegi jyljymaıtyn múlik boıynsha salyq beresheginiń somasy 3,2 mlrd teńgeni qurady. Onyń ishinde: múlik salyǵy boıynsha – 2,9 mlrd teńge (756 myń boryshker), jer salyǵy boıynsha – 0,3 mlrd teńge (159 myń boryshker)», – dep habarlady Memlekettik kirister komıteti.