Syrtqy ister mınıstrligi resmı ókiliniń aıtýynsha, odaqqa kiretin elderdiń basshylarymen osy suraq talqylanyp jatyr.
Kelisimder sátti aıaqtalsa, vızalyq rejım jumsarýy múmkin. Iaǵnı talaptardyń birazy alynady degen sóz, dep habarlaıdy Almaty-akshamy.kz.
Budan bólek, bizdiń elde bilim alyp jatqan aýǵanstandyq stýdentter týraly aıtyldy. Negizi bul burynnan bar baǵdarlama, tek sol eldegi jaǵdaıǵa baılanysty ýaqytsha toqtatylǵan. Resmı ókil aýǵan jastary Birikken ulttar uıymynyń úılestirý baǵdarlamasy aıasynda oqyp jatqanyn jetkizdi.
«Ol bizdiń joǵarǵy oqý oryndary. Biraq qarajat tolyǵymen Eýropalyq odaqtyń qarajaty. Sondyqtan Eýropalyq odaq tóleıdi. Biraq bizdiń joǵarǵy oqý oryndarynda sol qarajat qalady. Al kóbisi túsinbeı, ony bizdiń úkimet tólep jatyr dep narazylyq bildirip jatyr», - dedi QR Syrtqy ister mınıstrliginiń resmı ókili Aıbek Smadıarov.