Nátıjesinde jańa retteýshi saıasattyń sharttaryna sáıkes kelmeıtin 10 myńnan astam talap anyqtaldy.
Úkimet otyrysynda kásipkerlik qyzmetti «taza paraqtan» retteýdi iske asyrý barysy qaraldy, dep habarlaıdy Almaty-akshamy.kz Úkimettiń resmı kanalyna silteme jasap.
Memleket basshysy halyqqa Joldaýynda kásipkerlikti júıeli túrde qoldaýdyń mańyzdylyǵyn atap kórsetti.
Bızneske ákimshilik júktemeni barynsha azaıtý maqsatynda qoldanystaǵy retteýshi aktilerdiń bárine aýqymdy taldaý júrgizildi.
Osy jumystardyń qorytyndysy boıynsha Mindetti talaptar tizilimi jasaldy.
Tizilim qajet kezde qaıtadan qaralyp, rettelip otyrady. Iaǵnı, orynsyz, birin-biri qaıtalaıtyn nemese tıimsiz talaptardy anyqtaý jáne alyp tastaý jumystary turaqty negizde júrgiziledi.
Memlekettik baqylaý júıesinde táýekelderdi baǵalaý jáne basqarý júıesin avtomattandyrý boıynsha keshendi sharalar qabyldanýda.
35 salada bul jumys aıaqtaldy.
Ol kásipkerlerdi negizsiz tekserýlerden qorǵaýǵa múmkindik beredi.
«Jalpy, «taza paraqtan» reformasy bıznes-ortany retteýdiń tıimdiligin arttyryp, kásipkerlikti damytýǵa qolaıly jaǵdaı jasaıdy. Sondyqtan, osy baǵyttaǵy birlesken jumystardy ári qaraı jalǵastyrý qajet. Úkimet bıznestiń syndarly usynystaryn qoldaýǵa qashanda daıyn. Bıznestiń turaqty da tabysty qyzmetine birinshi kezekte, memlekettiń ózi múddeli. Kásipkerler osyny sezinýleri kerek», - dep atap ótti Álıhan Smaıylov.
Atqarylǵan jumystar 2029 jylǵa qaraı shaǵyn jáne orta bızneste jumys isteıtinder sanynyń 4,7 mln adamǵa deıin ósýine jáne memlekettiń ekonomıkadaǵy úlesin 14%-ke deıin tómendetýge múmkindik beredi.
Osyǵan baılanysty Premer-Mınıstr bızneske qoıylatyn artyq talaptardy joıý boıynsha zańnamalyq ózgeristerdiń ýaqytyly qabyldanýyn qamtamasyz etý, zańǵa táýeldi aktilerge tıisti túzetýler engizýdi jyldamdatý jáne birinshi jartyjyldyqtyń sońyna deıin memlekettik baqylaý júıesin avtomattandyrý jumysyn aıaqtaý qajettigin aıtyp ótti.