BUU-nyń «Elektrondy úkimet» portalynyń damý deńgeıi reıtıńisinde Qazaqstan 28-orynda
Otandastarymyzdyń 81,2 paıyzy ótken jyly memlekettik qyzmet kórsetý sapasyna qanaǵattanarlyq baǵa bergen. Bul týraly Memlekettik qyzmet isteri agenttigi tóraǵasynyń orynbasary Salaýat Múksimov málim etti, dep habarlaıdy Almaty-akshamy.kz QazAqparatqa silteme jasap.
«Ótken jylǵy qoǵamdyq monıtorıń nátıjesi azamattardyń 81,2%-y memlekettik qyzmet kórsetý sapasyna qanaǵattanǵanyn kórsetti. BUU-nyń «Elektrondy úkimet» portalynyń damý deńgeıi reıtıńisinde Qazaqstan 28-orynda. Al, TMD keńistiginde elimiz kósh bastap tur. Bul jetistikter memlekettik qyzmet kórsetý sapasyn ilgeriletip, zańnamany jetildirýdiń arqasynda múmkin bolyp otyr», - dedi Salaýat Múksimov Ortalyq komýnıkasıalar qyzmeti alańynda ótken baspasóz máslıhatynda.
Onyń aıtýynsha, agenttik Memleket basshysy tapsyrmasyn oryndaý maqsatynda ákimshilik rásimderdi búrokratıadan aryltý, tutynýshyǵa baǵdarlanǵan jáne servıstik modelge kóshý jóninde sharalar qabyldap jatyr.
Buǵan deıin Salaýat Múksimov memlekettik qyzmet alýda aıyppuldyń kedergi bolmaýy kerektigin aıtqan edi. Málimdeýinshe, búginde memlekettik qyzmetterdi qıyndyq, kedergisiz rásimdeý, ıaǵnı qyzmet kórsetýden formaldy túrde bas tartpaý jaǵy qarastyrylyp jatyr.