Almatydaǵy UIB unıversıtetínde vebtundar jasauǵa arnalǵan dáríster men vorkshoptar ótude
Almaty qalasy Jastar sayasaty basqarmasynyń qoldauymen Halyqaralyq Bıznes Unıversıtetínde (UIB) qazírgí tsıfrlyq kreatıvtí ındustrıyanyń eń perspektıvaly baǵyttarynyń bírí — vebtundarǵa arnalǵan ashyq dáríster serıyasy bastaldy, dep habarlaıdy aqshamnews.kz
Vebtundar — smartfon arqyly tík baǵytta oquǵa yńǵaılanyp jasalǵan tsıfrlyq komıkster. Olar ıllyustratsıyany, storıtellıng pen anımatsıya elementterín bíríktíredí, búgínde búkíl álemde tanymal jáne kreatıvtí ındustrıyanyń bír bólígíne aınaluda.
Būl format Ońtústík Koreya, AQSh, Japonıya sıyaqty elderde keń tanymaldyqqa ıe bolyp úlgerse, endí Qazaqstanda da bílím beru jáne mádenı jobalarǵa belsendí túrde engízílude. UIB-díń jańa bílím beru bastamasy studentterdí osy salanyń múmkíndíkterímen tanystyrudy kózdeıdí — kórkemdík jáne stsenarıılík sheberlíkten bastap, halyqaralyq tsıfrlyq platformalarda kontenttí ílgeríletu men kommertsıyalauǵa deıín.
«Bíz jaı ǵana kurs emes, tūtas keshendí jūmysty bastadyq. Onda ındustrıya ókílderímen, suretshílermen, stsenarıstermen jáne platformalarmen kezdesuler ótedí. Vebtun — būl jaı suret salu ǵana emes. Būl — narratıv, marketıng, mádenıet jáne ıdeyany eksporttau», — deıdí joba ūıymdastyrushylary.
Shaqyrylǵan spıkerler qatarynda Ońtústík Koreya, Qazaqstan jáne Ózbekstannan kelgen jetekshí mamandar, sondaı-aq tanymal veb-platformalardyń ókílderí bar. Bír aı íshínde qatysushylar dáríster tyńdap, paneldík sessıyalarǵa qatysady, al sońynda óz vebtunynyń pılottyq epızodyn jasau boıynsha vorkshopqa qatysa alady.
Atalǵan joba — jastar arasynda tsıfrlyq jáne kreatıvtí mamandyqtardy damytuǵa baǵyttalǵan auqymdy baǵdarlamanyń bír bólígí.