Ulttyq volonterlik jelisiniń jıyny ótti.
Ulttyq volonterlik jelisi kezekten tys prezıdent saılaýyna Qasym-Jomart Toqaevtyń kandıdatýrasyn usyndy, dep habarlaıdy Almaty-akshamy.kz QazAqparatqa silteme jasap.
Búgin elordada ulttyq volonterlik jelisiniń jıyny ótti. Atalǵan jıynda elimizdiń volonterler qaýymy 20 qarashada ótetin prezıdent saılaýyna kandıdat retinde Qasym-Jomart Toqaevty biraýyzdan usyndy.
«Osy jyldar ishinde Memleket basshysy volonterlik saladaǵy barlyq mańyzdy bastamalardy qoldap keledi. Sondaı-aq volonterler men volonterlik uıymdardyń qyzmetin jáne eńbegin joǵary baǵalady. Prezıdent volonterlerge úlken senim artady, Memleket basshysynyń qoldaýy bizdi shabyttandyrady. QR Prezıdenti Qasym-Jomart Toqaevqa degen senim mandatymyz elimizdiń kórkeıýi men halqymyzdyń múddesi úshin baǵyttalǵan. Memleket basshysynyń bastamasymen qolǵa alynǵan memlekettik baǵdarlamalar men reformalardyń jemisin barsha qazaqstandyq kórip otyr. Bizdiń Prezıdentimiz volonterlik qozǵalysty qoldaıdy, endeshe biz de óz Prezıdentimizdi qoldaımyz», - dedi ulttyq volonterlik jelisiniń tóraǵasy Vera Kım.
Onyń aıtýynsha, búginde elimizde 200 myńnan astam volonterdi qamtyǵan 600-den astam volonterlik uıym jumys isteıdi.