Bul suraqqa QR Densaýlyq saqtaý mınıstri Alekseı Soı jaýap berdi.
Onyń aıtýynsha, elimizdiń Syrtqy ister mınıstrligi shet memlekettermen vaksınasıa pasportyn ózara moıyndaý máselesin pysyqtap jatyr, dep habarlaıdy Almaty-akshamy.kz.
«Qazirgi ýaqytta úsh el vaksınasıa pasportyn ekijaqty formatta moıyndaý týraly nıet bildirdi. Iaǵnı, Mońǵolıa, Vengrıa jáne Taıland pasporttardy ózara moıyndaý týraly ótinishpen júgindi.
Búginde olarmen jumys istep jatyrmyz. Buǵan qosa, Túrkıa, Kıpr syndy elder barlyq eldiń vaksınasıa pasportyn moıyndaıdy», - dedi mınıstr Ortalyq komýnıkasıalar qyzmetindegi baspasóz máslıhaty barysynda.
Onyń atap ótýinshe, elimizdiń Syrtqy ister mınıstrligi shet memlekettermen vaksınasıa pasportyn ózara moıyndaý máselesin pysyqtap jatyr.
«Biraq, buǵan qatty arqa súıeýdiń qajeti joq. Óıtkeni, is júzinde kez kelgen elge qolyńda PTR-test nátıjesi bolsa bara alasyń. Siz elge emin-erkin kire alasyz. Sondyqtan bul jerde eshqandaı problema bolmaýy tıis», - dedi Alekseı Soı.