TJ vıse-mınıstri onlaın-qabyldaýynda suraqtardyń kóbi órt qaýipsizdigine qatysty boldy
Búgin Tótenshe jaǵdaılar vıse-mınıstri Marat Kúldikov azamattardy onlaın qabyldady, dep habarlady Almaty-akshamy.kz. QR Tótenshe jaǵdaılar mınıstrliginiń taratqan habaryna silteme jasap.
Shara barysynda Nur-Sultan qalasy men Almaty qalalarynyń turǵyndarynan birqatar suraqtar tústi. Kelgen suraqtardyń basym bóligi órt qaýipsizdigi máselesine qatysty boldy.
Máselen, Almaty qalasynyń turǵyny qoǵamdyq tamaqtaný obektilerin órt qaýiptiliktiń joǵary sanatyna qosý jáne múlik ıeleri birlestiginiń qatysýymen turaqty tekserýlerdi engizý máselelerimen júgindi.
Elordadaǵy turǵyn úı keshenderiniń biriniń turǵyndaryn óz úılerindegi órt qaýipsizdigi máselesi alańdatady.
Qabyldaý sońynda vıse-mınıstr TJM jaýapty qyzmetkerlerine tıisti tapsyrmalar berdi, barlyq azamattardyń ótinishteri jaýapsyz qalmaıtyndyǵyn jáne TJM basshylyǵynyń turaqty baqylaýynda bolatynyn eskertti.