QAYNAR BULAQ alańynyń negizgi jumys baǵyttary qalanyń barlyq turǵyndaryn qyzyqtyratyn taqyryptardaǵy is-sharalar bolady
Qala ákimi Baqytjan Saǵyntaev qalalyq «QAYNAR BULAQ» alańynyń ashylýyna qatysty. «Qaınar núktesine» aınalatyn bul alań túrli sala ókilderin biriktiretin bolady, dep habarlady Almaty-akshamy.kz.
Kommýnıkatıvti keńistik AlmaU bazasynda quryldy jáne Qazaqstan úshin pılottyq bolyp tabylady. Ol Reseıdiń ártúrli qalalarynda 110-nan astam uqsas keńistikten turatyn «Qaınar núktesi» jelisine qosylady.
Qaınar núktesi bolyp tabylatyn QAYNAR BULAQ negizgi jumys baǵyttary qalanyń barlyq turǵyndaryn qyzyqtyratyn taqyryptardaǵy is-sharalar bolady, olar: bilim, týrızm jáne qalalardy damytý, bıznesti damytýdyń perspektıvalyq baǵyttary, jańa tehnologıalar – úlken derekter jáne jasandy ıntellekt.
Almaty ákimi Baqytjan Saǵyntaev bul jobanyń megapolıs úshin ózektiligi men mańyzdylyǵyn atap ótti, onyń strategıalyq baǵyttarynyń biri – shyǵarmashylyq ındýstrıalar men AT-ny damytý. Túrli qaýymdastyqtar men memlekettik organdar ókilderiniń belsendi qatysýy qalanyń tehnologıalyq, áleýmettik-ekonomıkalyq jáne bilim berý jónindegi mindetterin oryndaýdyń sheshimderin tabýǵa múmkindik beredi.
