Syrtqy ister mınıstrliginiń resmı ókili Aıbek Smadıarov bolǵan jaıtqa qatysty resmı málimdeme jasady, dep habarlaıdy almaty-akshamy.kz.
«Qazaqstannyń konsýly bul aqparat jarıalanǵannan keıin osy iske qatysty birden Grekıa bıligine habarlasty. Polısıanyń málimetine sáıkes, ustalǵandar arasynda Qazaqstan azamattary joq jáne olarǵa eshqandaı da talaptar qoıylmaǵan», - degen aqparatpen bólisti Aıbek Smadıarov.
Aıta ketsek, buǵan deıin sheteldik BAQ Grekıanyń Gıdra aralynda ıahtada demalǵan qazaqstandyq týrıser órttiń shyǵýyna sebep boldy degen aqpar tarady. Aqparatta aıtylǵandaı, órt ormanǵa deıin jetken.
Eske salsaq, qazaqstandyq týrıserdiń kesirinen Grekıada tutas aral otqa orandy degen aqparat taraǵan bolatyn.