Germanıada semserlesýden álem kýbogy ótip jatyr jáne jarystyń kezekti kúni qylysh baǵytyndaǵy jeńimpazdar anyqtaldy.
Bul synda qazaqstandyq semserlesýshi Qurbanov qolany mise tutty, dep habarlaıdy Almaty-akshamy.kz.
24.kz-tiń jazýynsha, Rýslan Qurbanov osy sanat boıynsha álemdik reıtıńtiń 9-shy satysynda tur. Soǵan qaramastan, ózinen áldeqaıda myqty degen qarsylastaryn aıqyn basymdyqpen utty. Máselen, irikteý syndarynda ońtúistikkoreıalyq Taıdjın Sondy, vengrıalyq Davıd Danány jáne ıtalıalyq Davıd Dı Verolıdi jeńdi. Tipti álem chempıony jáne Olımpıadanyń kúmis júldegeri vengrıalyq Sergelı Shıkloshıden de basym tústi. Qortyndy esep – 15:12. Jerlesimiz tek jartylaı fınalda japon sportshysyna jol berdi. Nátıjesinde sol Kokı Kano jeńimpaz atandy. Kúmis júlde shveısarıalyq Aleksıs Baıardke buıyrsa, úzdik úshtikti qazaqstandyq Rýslan Qurbanov pen ıspanıalyq Iýlen Pereıra túıindedi.