Bótenniń kóligin urlaǵandar quryqtaldy.
Onyń kómegimen úsh er adam Almatynyń Medeý aýdanyndaǵy turǵyn úı keshenderiniń biriniń avtoturaǵynda turǵan bóten bireýdiń Toyota Camry kóligin urlap úlgergen.
«Kóliginiń joǵalǵanyn baıqaǵan sheteldik kólik ıesi bul týraly “102” arnasyna habarlaǵan. Bul qylmysty ashý maqsatynda arnaıy jedel tergeý toby quryldy. Keshendi jedel is-sharalar nátıjesinde úsh er adam ustaldy. Olardy qaladaǵy qonaq úılerdiń birinde quryqtady. Urlanǵan kólik Astana qalasynan tabyldy jáne tárkilendi. Kúdiktiler ony satyp úlgergen», – deıdi Medeý aýdandyq polısıa basqarmasynyń bastyǵy İlıas Ómirserikov.
Sonymen qatar ustalǵandardan Toyota esiginiń qulpyn ashý úshin paıdalanylǵan qurylǵy tárkilendi. QR Konstıtýsıasynyń jáne QR QPK-niń 201-babyna sáıkes, qylmystyq is boıynsha ózge de málimetter jarıa etilmeıdi.