Aqpannyń 12-si men naýryzdyń 20-sy aralyǵynda 50-den astam eldiń qatysýymen TALIS-2024 tórtinshi sıkli ótedi.
Oǵan 378 qazaqstandyq mekteptiń 8000-ǵa jýyq muǵalimderi men dırektorlary qatysady, dep habarlaıdy Almaty-akshamy.kz Oqý-aǵartý mınıstrligine silteme jasap.
«Bul sıkldiń ereksheligi bilim berý júıesiniń qazirgi máseleleri týraly jańa suraqtardyń qosylýy: ártúrlilik pen teńdik, oqýshylardyń áleýmettik jáne emosıonaldyq oqýy, bilim berý maqsatynda tehnologıalardy paıdalaný jáne qorshaǵan orta men turaqty damý boıynsha bilim berý. Zertteýge Y. Altynsarın atyndaǵy ulttyq bilim akademıasynyń, Respýblıkalyq bilim mazmunyn saraptaý ǵylymı-praktıkalyq ortalyǵynyń, «Órleý» BAUO sarapshylary jáne L.N. Gýmılev atyndaǵy EUÝ oqytýshylary birlesip ázirlegen ulttyq máseleler engiziledi» - dedi Bilim berý salasyndaǵy sapany qamtamasyz etý komıtetiniń tóraǵasy Ernur Dáýenov.
TALIS-2024 boıynsha qazaqstandyq pedagogterdiń nátıjeleriniń egjeı-tegjeıli taldaýlary qamtylǵan ulttyq esep 2026 jyly jarıalanady. Nátıjeler respýblıkanyń segiz makroóńiri boıynsha usynylady.
Anyqtama úshin: Qazaqstan TALIS zertteýine 2018 jyldan beri qatysyp keledi. Onyń nátıjeleri «Pedagog mártebesi týraly» Zańdy ázirleý kezinde eskerildi. TALIS (Teaching and Learning International Survey) ár alty jyl saıyn Ekonomıkalyq yntymaqtastyq jáne damý uıymynyń qoldaýymen ótkizilip keledi jáne ol eń aýqymdy halyqaralyq zertteýlerdiń birine aınalǵan. Zertteý elimizdiń pedagogıkalyq korpýsynyń kúshti jáne álsiz tustaryn anyqtaýǵa jáne mektepterdegi pedagogter men bilim berý ortasynyń jumys jaǵdaılaryn táýelsiz baǵalaýǵa múmkindik beredi.