Almatyda esirtki qylmysyna qarsy is-qımyl bólinisteriniń qyzmetkerleri Italıa men Polshadan Qazaqstanǵa jetkiziletin kokaın arnasynynyń jolyn kesti.
Almatyda jalǵa alynǵan páterde salmaǵy 250 gram kokaın tárkilendi. Ol kofe túrinde plasıkalyq kapsýlalarǵa jasyrylǵan, dep habarlaıdy Almaty-akshamy.kz Polisia.kz-ke silteme jasap.
Budan ári qazposhta bólimshesinde fıgýrantqa tıesili sálemdemeni tárkileý boıynsha tergeý sharalary júrgizildi. Odan jalpy salmaǵy shamamen 1 kg esirtki zattary bar plasıkalyq bankalar tabyldy, onyń ishinde 0,5 kg kokaın jáne 400 gramnan astam ekstazı bolǵan. Bul úsh myńnan astam bir rettik dozany quraıdy. Anyqtalǵandaı, ustalǵan sheteldik kýrer fýnksıasyn úsh aıǵa jýyq oryndap kelgen, al Almatyǵa sharýashylyq taýar retinde jasyrylǵan poshta sálemdemeleri arqyly esirtkiniń sırek túrlerin satý maqsatynda ǵana kelgen.
«Ustalǵan adamǵa qatysty esirtki zattaryn ótkizý maqsatynda asa iri mólsherde zańsyz satyp alý jáne saqtaý faktisi boıynsha sotqa deıingi tergep-tekserý amaldary júrgizilip jatyr. Esterińizge sala keteıik, bul qylmystar úshin múlki tárkilenip, on jyldan on bes jylǵa deıingi merzimge bas bostandyǵynan aıyrý jazasy qarastyrylady. Kúdikti qamaýǵa alyndy. Elge kokaın jetkizý arnalaryn anyqtaý boıynsha is-sharalar jalǵasyp jatyr. Ózge aqparat tergeý múddesi úshin jarıa etilmeıdi», – dedi QR İİM esirtki qylmysyna qarsy is-qımyl departamenti bastyǵynyń orynbasary Baqytjan Ámirhanov.