Balalardyń otpen oınap, órttiń shyǵýyna sebep bolǵan.
12 aqpanda saǵat 18:24-te Almaty oblysy TJD kezekshi bólimine Qonaev qalasynda 4 qabatty kóppáterli úıde páterdiń janǵany týraly habarlama kelip tústi, dep habarlaıdy Almaty-akshamy.kz Almaty oblysy TJD baspasóz qyzmetine silteme jasap.
Oqıǵa ornyna dereý Almaty oblysy TJD qyzmetkerleri jiberildi. Órt ornyna kelgennen keıin kir jýǵysh mashına men as úıdiń qabyrǵasyndaǵy túsqaǵazdyń, sondaı-aq jatyn bólmedegi kereýettiń jalpy aýdany 3 sharshy metr aýmaqta janǵany anyqtaldy.
Qabyldanǵan sharalardyń nátıjesinde órt saǵat 18:35-te sóndirildi. Órt sóndirý bólimsheleri kelgenge deıin jedel járdem qyzmetkerleri 2019 jáne 2014 jyly týǵan eki balany Qonaev qalasynyń aýrýhanasyna jetkizdi. Sondaı-aq, 19 adam, onyń ishinde 8 bala óz betinshe evakýasıalandy.
Oqıǵa ornyna Almaty oblysy TJD 7 qyzmetkeri men 2 birlik tehnıkasy, jedel medısınalyq járdem qyzmetiniń 6 qyzmetkeri jáne 2 birlik tehnıkasy, Polısıa departentiniń 7 qyzmetkeri jáne 2 birlik tehnıkasy shyqty.
Almaty oblysynyń TJD turmystyq órt qaýipsizdigi sharalaryn saqtaýdyń mańyzdylyǵyn eske salady jáne balalardy eresekterdiń qaraýynsyz qaldyrmaýlaryńyzdy suraıdy. Órtti abaısyz paıdalaný órtke ákelýi múmkin.