Halyqaralyq boks federasıasy (IBF) barlyq salmaq dárejesindegi boksshylar reıtıńiniń jańartylǵan nusqasyn jarıalady. Bul týraly Almaty-akshamy.kz QazAqparatqa silteme jasap habarlaıdy.
Sportshylarymyzdyń reıtıńtegi orny:
Sports.kz-tiń málimetinshe, ekinshi orta salmaqta Álı Ahmedov altynshy orynda qaldy. Bul dıvızıondaǵy álem chempıony meksıkalyq Saýl «Kanelo» Alvares bolsa, brıtandyq boksshy Ýılám Skall tizimde kósh bastap tur. Ekinshi pozısıa bos tur, úshinshi orynǵa amerıkalyq Kaleb Plant esimi jazylǵan.
Orta salmaq sanatynda chempıon ataǵy Gennadıı Golovkınge tıesili. Meıirim Nursultanov segizinshi qatardy saqtap qaldy. Úzdik «úshtikke» brazılıalyq Eskıva Falkao, avstralıalyq Maıkl Zerafa jáne meksıkalyq Hame Mýngýıa endi.
Ekinshi jeńil salmaqta Sultan Záýirbek burynǵydaı – 13-shi orynda. Álem chempıony tájikstandyq Shavkat Rahımov bolsa, chempıondyqqa eń jaqyn úmitker – úshinshi orynda turǵan fransýz Samır Zıanı.