QR QM Ulttyq qorǵanys ýnıversıteti basshylyǵynyń Úndistan Respýblıkasyna sapary eki eldiń qorǵanys vedomstvolary arasyndaǵy áskerı yntymaqtastyq josparyna sáıkes ótti.
Nú-Delıde QR QM Ulttyq qorǵanys ýnıversıtetiniń bastyǵy general-maıor Asqar Mustabekov bastaǵan qazaqstandyq delegasıa Úndistan Ulttyq qorǵanys kolejinde bolyp, oqý-materıaldyq bazamen tanysty, dep habarlaıdy aqshamnews.kz Qorǵanys mınıstrligine silteme jasap.
Sondaı-aq taraptar «magıstratýra» baǵdarlamasy boıynsha parıtettik negizde ofıser kadrlardy daıyndaý máselelerin talqylady.
Kezdesýlerdiń qorytyndysy boıynsha QR Ulttyq qorǵanys ýnıversıteti men Úndistan Respýblıkasy Ulttyq qorǵanys koleji arasynda ózara túsinistik týraly memorandýmǵa qol qoıyldy.
– Bul el QR Ulttyq qorǵanys ýnıversıtetiniń oqý-materıaldyq bazasyn damytýǵa belsendi qatysyp keledi, – dedi general-maıor Asqar Mustabekov.
Máselen, 2017 jyldan bastap munda Úndistan qarýly kúshteriniń áskerı óner aýdıtorıasy jumys isteıdi. Bıylǵy jyly Úndistan tarapy aýdıtorıany qaıta jaraqtandyrý úshin jalpy somasy 8 mln. teńgeden astam múlikti óteýsiz berip otyr. 2021 jyldyń naýryz aıynan bastap eki úndi áskerı qyzmetshisi UQÝ-de aǵylshyn tilin oqytyp ári aǵylshyn tilin oqytýdaǵy ádisnamalyq tájirıbesin qazaqstandyq áriptesterimen bólisip keledi. Sondaı-aq, Úndistannyń komandalyq-shtabtyq kolejimen ózara is-qımyl ornatylyp, ózekti taqyryptar boıynsha onlaın rejımde birlesken dárister oqyldy.