Almaty oblysynda polısıa kóligi urlanǵany jaıynda jalǵan aqparat bergen kúdiktini áshkereledi.
Polısıa qyzmetkerleri 46 jastaǵy Daǵystan Respýblıkasynyń azamatyn ustady. Ol ózi satqan kóliginiń urlanǵany týraly habarlap, quqyq qorǵaý organdaryn adastyrýǵa árekettengen, dep habarlaıdy aqshamnews.kz Polisia.kz-ke silteme jasap.
– Er adam qymbat kóliktiń urlanǵany týraly jalǵan ótinishpen júgindi. Alaıda, jedel-izdestirý is-sharalary barysynda polıseıler kúdiktiniń kólikti satyp, qasaqana jalǵan aqparat bergenin tez arada anyqtady, – deıdi Talǵar aýdandyq polısıasy.
Sondaı-aq ustalǵan adam buryn Reseı Federasıasynyń aýmaǵynda osyndaı sqemany júzege asyrǵany týraly anyqtaldy. Ol kezde ol kólikti qasaqana órtep jiberip, saqtandyrý tólemin alǵan, sodan keıin osyǵan uqsas kólikti satyp alyp, tura sondaı alaıaqtyq jasaýdy kózdep, Qazaqstanǵa kelgen. Kórineý jalǵan habarlaý faktisi boıynsha tergeý amaldary júrgizilýde. Kúdikti ustalyp, ýaqytsha ustaý ızolátoryna qamaýǵa alyndy.