Memleket basshysy Qasym-Jomart Toqaevtyń atynan Qazaqstannyń 100 aýylynyń kitaphanalaryna kórkem ádebıetter syıǵa tartyldy, dep habarlaıdy aqshamnews.kz.
Prezıdent tartýy «Aýyl kitaphanalaryna 100 kitap» aksıasy aıasynda tabys etildi. Eske salaıyq, Atyraýda ótken Ulttyq quryltaıda Memleket basshysy Qazaqstanda «kitap oqıtyn ultty» qalyptastyrý qajettigine basa nazar aýdarǵan bolatyn
«Shyn máninde, ozyq oıly ult bolýdyń eń tóte joly – kitap oqý. Sondyqtan kitap oqý mádenıetin qoǵamda barynsha ornyqtyrýymyz kerek», – dedi Qasym-Jomart Toqaev.
Prezıdent bastamasy otandyq jáne álemdik ádebıettiń sońǵy úlgidegi týyndylaryn shalǵaıdaǵy aýyl kitaphanalaryna jetkizip, óskeleń urpaqtyń kitap oqýǵa degen qyzyǵýshylyǵyn arttyrýǵa baǵyttalyp otyr. Kitaptar Memleket basshysynyń atynan elimizdiń damýyna eleýli úles qosqan memleket jáne qoǵam qaıratkerleriniń, soǵys ardagerleriniń, belgili qalamgerler men mádenıet maıtalmandarynyń, ǵalymdardyń týyp-ósken aýyldaryna joldandy.
Aksıa aıasynda Halyq Qaharmany Saǵadat Nurmaǵambetovtiń, qazaqtyń qaharman qyzdary Álıa Moldaǵulova, Mánshúk Mámbetova, Hıýaz Dospanovanyń, talantty akter ári rejıser Sháken Aımanovtyń, kórnekti aqyn İlıas Jansúgirovtiń, jazýshy Gerold Belgerdiń týyp-ósken aýyldaryndaǵy kitaphana qorlary tolyqty. Sondaı-aq Shámshi Qaldaıaqov, Qasym Amanjolov, Kemel Aqyshov, Ábish Kekilbaıuly, Farıza Ońǵarsynova, Ábilhan Qasteev, Birjan sal, Sáken Seıfýllın, Tóleý Kóbdikov, Kenen Ázirbaev sekildi belgili tulǵalardyń jáne basqa da birqatar aýyldarǵa kitaptar toptamasy joldandy.
Aýyl kitaphanalaryna berilgen kitaptar arasynda álem jáne qazaq ádebıetiniń úzdik shyǵarmalary, balalar ádebıetiniń jaýharlary, komıkster, qazirgi zamanǵy proza men poezıa, tarıhı, tanymdyq-aǵartýshylyq ádebıetter bar.
Memleket basshysynyń atynan barlyǵy 100 aýylǵa 10 myń kitap syıǵa berildi. «Aýyl kitaphanalaryna – 100 kitap» aksıasyna Parlament Senatynyń Tóraǵasy Máýlen Áshimbaev, QR Prezıdenti Ákimshiliginiń basshysy Aıbek Dádebaı, mınıstrler, túrli uıymdardyń basshylary men belsendi azamattar qoldaý kórsetýde. Aksıa áli jalǵasýda.