“Jas sarbaz” jas polısıa jasaqshylary jańa oqý jylyna daıyndyq ústinde, dep habarlaıdy aqshamnews.kz Polisia.kz-ke silteme jasap.
Maqsat – oqýshylar, ásirese mektepke alǵash keletin birinshi synyp oqýshylary arasynda quqyqtyq túsindirý jumystaryn jandandyrý. Balalardyń quqyqtyq sanasyn arttyrý, jol qozǵalysy erejelerin saqtaı otyryp, jolda ózin-ózi saqtaý sezimin oıatý qajet.
– Osy kúnderi Almatyda “Nazar aýdaryńyz! Balalar!” respýblıkalyq jedel aldyn alý is-sharasy ótýde, onyń maqsaty – balalardyń jaraqattanýynyń aldyn alý, jol-kólik oqıǵalarynyń ósýin azaıtý. Biz jas jol ınspektorlaryna úlken jáne mańyzdy mısıany tapsyramyz, olar barlyq jerde balalarǵa túsinikti túrde jol qozǵalysy erejelerin túsindiredi. Sonymen qatar balalarǵa sýrettelgen býkletter men jadynamalar taratylady. Balalar – bizdiń bolashaǵymyz, sondyqtan olardyń ómiri men densaýlyǵyna eshteńeniń qaýip tóndirmeýi óte mańyzdy, – dedi Almaty qalalyq PD ákimshilik polısıa basqarmasynyń bastyǵy Asqat Qulbaev.
Almaty qalasy Alataý aýdanyndaǵy 152-shi orta mekteptiń “Jas sarbaz” komandasymen polıseıler kezekti nusqaýlyq ótkizdi. Qatysýshylardyń kóp jyldyq tájirıbesi berilgen tapsyrmalardy kásibı deńgeıde oryndaýǵa múmkindik beredi.
– Ádette, Bilim kúni qarsańynda biz muǵalimdermen kezdesýler ótkizemiz, onyń barysynda bilim berý úderisinde mektep oqýshylarynyń qaýipsizdigin qamtamasyz etý máseleleri sheshiledi. Biz jol qozǵalysy erejelerin oqytý boıynsha praktıkalyq sabaqtarǵa synyptardyń daıyndyǵyn tekserýdi, barlyq qajetti úgit-nasıhattyq jáne oqý-ádistemelik quraldardy satyp alýdy jáne jańa oqý jylyna jol qozǵalysy erejeleri boıynsha sabaq josparyn qurýdy suraımyz. Mundaı tyǵyz jáne jaqsy úılestirilgen ózara is-qımyl, bizdiń oıymyzsha, balalardyń jol-kólik jaraqattary men jazataıym oqıǵalaryn azaıtýǵa jáne qaladaǵy kólik qozǵalysyn turaqtandyrýǵa óte tıimdi áser etedi, – dedi Qulbaev.