Sonymen qatar Qazaqstannyń áýe tasymaly men logıstıka salasy ózgeristerge daıyndalýda.
Ýkraınadaǵy jaǵdaı men álemdik qaýymdastyqtyń Reseıge qarsy sanksıalary aıasynda Qazaqstannyń áýe tasymaly jáne logıstıka salasynda ózgerister bolady, dep habarlaıdy Almaty-akshamy.kz Finprom.kz saıtyna silteme jasap.
Sonymen, oryn alǵan qaqtyǵys kesirinen áýe keńistiginiń jabylýyna baılanysty áýe aǵynynyń bir bóligi Qara teńiz aımaǵynan Qazaqstan aýmaǵyna qaıta baǵyttaldy, dep habarlady QR ındýstrıa mınıstrligi.
Bir kúnniń ishinde elimizdiń áýe keńistigi arqyly jospardan tys 257 reıs qatynady. Ońtústik baǵyt boıynsha Eýropadan Qytaıǵa jáne Ońtústik-SHyǵys Azıaǵa reıster sanynyń artýy Qazaqstan úshin aıyna 1,5 mıllıon dollar qosymsha tabys ákeledi.
Qazaqstan Respýblıkasynyń aeronavıgasıalyq júıesiniń syıymdylyǵy qosymsha áýe qozǵalysyn shekteýsiz qabyldaýǵa múmkindik beredi, dep atap ótti mınıstrlik.
Sonymen qatar, aǵymdaǵy jyldyń aqpan aıynyń qortyndysy boıynsha, Qazaqstan Respýblıkasynda áýedegi jolaýshylar tasymaly qyzmetteriniń baǵasy ótken jyldyń osy kezeńimen salystyrǵanda 17,7%-ǵa qymbattaǵan.
Elimizdiń kóptegen aımaqtary úshin bul sektordaǵy baǵanyń ósýi óte mańyzdy boldy. Aıtarlyqtaı qymbatshylyq Shyǵys Qazaqstan oblysynda baıqaldy, munda baǵa bir jylda 45,7%-ǵa ósti. Baǵa qymbattaý boıynsha kóshbasshylar úshtigine Mańǵystaý (43,2%) jáne Túrkistan (34,8%) oblystary da kirdi.
Elimizdiń eki oblysy – Aqmola jáne Soltústik Qazaqstan oblystarynda baǵa ózgergen joq, al Pavlodar men Jambyl oblystarynda tipti tıisinshe 14,2% jáne 22,2%-ǵa tómendedi.
Aǵymdaǵy jyldyń qańtarynda avıakompanıanyń kirisi 20,9 mlrd teńgeni qurady, bul jyldyq kórsetkishte aqshalaı 6,6% artyq degen sóz.
Kiristiń basym bóligi dástúrli túrde jolaýshy tasymaldaýdan túsken: 20,4 mlrd teńge. Júk tasymaldaýdan túsken kiris 534,8 mln teńgeni, júrgizýshisi bar kólikterdi lızıńke berýden kelgen kiris kólemi 215 mln teńgeni qurady.
Salystyrý úshin: ótken jyldyń osy kezeńinde túsimder 40,8%-ǵa tómendep, 19,6 mlrd teńgeni qurady.
2022 jyldyń qańtar aıynyń qorytyndysy boıynsha, Qazaqstan Respýblıkasynyń áýe kompanıalary 527 myń adamdy tasymaldady, bul bir jyl burynǵydan 11%-ǵa az. Al jolaýshylar aınalymy, kerisinshe, arta túsken.
Áýe kóligimen júk tasymaldaý salasynda aıtarlyqtaı tómendeý baıqaldy. Aǵymdaǵy jyldyń qańtar aıynda júk tasymaldaý kólemi ótken jyldyń osy kezeńimen salystyrǵanda 53,2 paıyzǵa azaıyp, 1,2 myń tonnany qurady. Júk aınalymy 2,6 mln tonna-kılometrdi qurady, bul 52,9-ǵa qysqardy degen sóz.
