Elimizdegi Zaısan, Qatonqaraǵaı jáne Kendirli aımaqtarynda jańa áýejaılar salynady. Bul týraly Prezıdent Qasym-Jomart Toqaevtyń qatysýymen ótken Úkimettiń keńeıtilgen otyrysynda Premer-Mınıstr Oljas Bektenov málimdedi. Jańa áýejaılar kýrorttyq aımaqtardyń týrısik áleýetin arttyrý maqsatynda salynbaq, dep habarlaıdy aqshamnews.kz
– «Avıasıalyq ınfraqurylymy bar ushý-qoný jolaqtarynyń qurylysy Zaısan, Qatonqaraǵaı jáne Kendirli aımaqtarynda júzege asady. Bul tanymal demalys oryndarynyń týrısik tartymdylyǵyn aıtarlyqtaı arttyrady», – dedi Bektenov.
Sonymen qatar, elimizdiń kólik-logıstıkalyq áleýetin damytý maqsatynda Aqtaýda áýe habyn qurý jobasy qarastyrylýda. Temirjol ınfraqurylymy boıynsha mańyzdy jobalar qatarynda:
«Moıynty – Qyzyljar» temirjol jelisiniń qurylysy;
«Altynkól – Jetigen» ýchaskesiniń ekinshi joldarynyń salynýy.
Budan bólek, bıyl «Dostyq – Moıynty» temirjoly men Almaty qalasynyń aınalma jolynyń qurylysy aıaqtalýy josparlanyp otyr.
Bul jobalar eldiń ınfraqurylymyn damytyp, týrızm men logıstıka salalarynyń áleýetin arttyrýǵa baǵyttalǵan.