Abaı oblysynda quny $1 mlrd bolatyn jańa mys balqytý zaýytynyń qurylysy josparlanyp otyr. Bul týraly Memleket basshysy Qasym-Jomart Toqaevtyń qatysýymen ótken Úkimettiń keńeıtilgen otyrysynda Premer-Mınıstr Oljas Bektenov málimdedi.
Jańa zaýyttyń basty ereksheligi – eksportqa shyǵarylatyn mys konsentratyn tolyqtaı óńdeý múmkindigi. Bul kásiporyn taý-ken metalýrgıa salasyndaǵy óndiristi tereńdetip, joǵary sapaly ónim shyǵarý arqyly el ekonomıkasyna eleýli úles qosady.
Sonymen qatar, «Qarmet» aksıonerlik qoǵamy joǵary deńgeıde óńdelgen sapaly metaldar óndirisin arttyrý baǵytynda jańǵyrtý jumystaryn júrgizýde. Kompanıa bolat óndirý kólemin ulǵaıtyp, ony avtomobıl, vagon qurastyrý jáne turmystyq tehnıka óndirisinde paıdalanýǵa baǵyttaýda. Ótken jyly kompanıa 25 myń tonna qospaly bolat óndirdi, bul ónim avtokólik jasaý men basqa da óndiris salalarynda keńinen qoldanyldy.
Bul jobalar metalýrgıa salasyndaǵy jańa múmkindikterdi ashyp, Qazaqstandy joǵary sapaly metal ónimderin óndirý boıynsha álemdik deńgeıdegi oıynshyǵa aınaldyrýǵa yqpal etedi.