Sońǵy 5 jyldyń ishinde Qazaqstanǵa 20 887 800 shetel azamaty kelgen.
İMM-niń statısıkasyna sáıkes, elimizde qazir 137 702 shetel azamaty turaqty turyp jatyr, dep habarlaıdy Almaty-akshamy.kz
Búginde elimizde 137 702 shetel azamaty turyp jatyr. Odan bólek, sońǵy 5 jyldyń ishinde Qazaqstanǵa 20 887 800 shetel azamaty kelgen. Bul týraly QR Parlamenti Májilisiniń depýtaty Erlan Smaılov málim etti.
«Sońǵy 5 jyldyń ishinde (2017-2021 jj) 127 415 adam Qazaqstan azamattyǵyn alǵan. Onyń ishinde 7 731 QR Prezıdentiniń Jarlyǵyna sáıkes, 19 684 jeńildetilgen túrde jáne 106 052 etnıkalyq qandas. Sondaı-aq, sońǵy bes jyldyń ishinde elimizde 20 877 800 shetel azamaty boldy, onyń 1 539 417 alys shetelden kelse jáne 19 338 383 - TMD elderiniń azamattary. Odan bólek, atalǵan ýaqyt ishinde Qazaqstanǵa kelgen 395 755 shetel azamaty ákimshilik jaýapkershilikke tartylypty. Onyń qatarynda 18 683 alys elder azamaty bar, qalǵan 377 072 TMD azamaty. Búginde elimizde İMM-niń statısıkasyna sáıkes 137 702 shetel azamaty turaqty turyp jatyr. Sol sıaqty bıylǵy esep boıynsha 25 176 qandas tur», - dedi Erlan Smaılov Májilistiń zańnama jáne sot-quqyqtyq reforma komıtetiniń otyrysynda jasaǵan baıandamasynda.