Bul týraly Óńirlik komýnıkasıalar qyzmetiniń baspasóz konferensıasy barysynda QR DSM Ulttyq jedel medısınany úılestirý ortalyǵy basqarma tóraǵasynyń orynbasary Ǵumyrbek Aǵybaev aıtyp berdi, dep habarlaıdy Almaty-akshamy.kz.
Ol Qazaqstanda jedel medısınalyq járdem qyzmeti úzdik halyqaralyq tájirıbege sáıkes jańǵyrtylǵanyn eske saldy.
Óz sózinde Ǵumyrbek Aǵybaev búgingi tańda respýblıkada jedel medısınalyq kómek qyzmeti 18 derbes stansıa, 130 qalalyq qosalqy stansıa jáne 284 aýdandyq bólimshelerden turatynyn habarlady.
Oblystyq jáne qalalyq JMK stansıalarynda bir aýysymda 1486 kóshpeli jedel járdem brıgadasy jumys isteıdi, onyń ishinde 290 – mamandandyrylǵan (dárigerlik), 1196 – feldsherlik. Qalalyq bólimshelerde 911 brıgada, aýdandyq bólimshelerde 576 brıgada jumys isteıdi.
Jyl saıyn QR Jedel medısınalyq járdem qyzmeti bizdiń elimizde júrgen qazaqstandyqtarǵa da, shetel azamattaryna da shuǵyl medısınalyq kómek kórsete otyryp, 7 mıllıonnan 8 mıllıonǵa deıin qońyraý shalady.
«Jedel medısınalyq kómek jumysynyń ıntegraldyq kórsetkishi shaqyrýǵa der kezinde kelý bolyp tabylady. Aǵymdaǵy jyldyń 11 aıynda keshigip oryndalǵan shaqyrýlardyń úlesi 4,3%-dy qurady», - dedi Ǵ. Aǵybaev.
"Jedel járdem" stansıalary, bekitilgen standarttarǵa sáıkes, medısınalyq jabdyqtarmen jáne medısınalyq maqsattaǵy buıymdarmen jabdyqtalǵan, respýblıka boıynsha jaraqtandyrylýy – 97%. Búgingi kúni JMK balansynda 2 287 birlik sanıtarlyq avtokólik bar, onyń ishinde 1 410 birlik qalada jáne 877 birlik aýylda.
Bıyl 336 sanıtarlyq kólik satyp alyndy. Barlyq "jedel járdem" kólikteriniń GPS-navıgasıasymen jabdyqtalýy 100%-dy quraıdy.
Ǵumyrbek Aǵybaev 2021 jyldyń 11 aıynda respýblıka boıynsha jedel medısınalyq kómekke shaqyrýlar sany 7 603 040 bolǵanyn qosty. 1 qańtar - 1 jeltoqsan aralyǵynda koronavırýstyq ınfeksıa boıynsha 354 400 shaqyrýǵa qyzmet kórsetildi, onyń ishinde 259 692 adam aýrýhanaǵa jatqyzyldy.
Ulttyq shuǵyl medısınany úılestirý ortalyǵy jumysynyń taǵy bir baǵyty 2017 jyldan beri tabysty jumys istep kele jatqan oqý-trenıng ortalyǵy bolyp tabylady. Onda medısınalyq avıasıa, jedel jáne shuǵyl medısınalyq kómektiń qyzmetkerleri oqytylady. Barlyq kezeńde 21 myńǵa jýyq tyńdaýshy daıyndaldy.