Azamattardyń memlekettik prosesterge qatysty pikir bildirýine qosymsha tetik.
Búgin senat qoǵamdyq baqylaý týraly zańdy birinshi oqylymda maquldady. Zańnamada petısıa uǵymy qosa berilgen. Endi petısıalardy jiberý jáne ony qaraý ákimshilik rásimdik-prosestik kodekske saı júrgiziledi, dep habarlaıdy Almaty-akshamy.kz 24.kz-ke silteme jasap.
Memlekettik organdar qaraý úshin oǵan qol qoıǵandardyń shekti máni belgilengen. Máselen, 50 myńnan astam halqy bar eldi mekennen jiberilgen petısıada 2,5 myń daýys jınalsa aýdan ákimdigi qaraıdy. Oblystaǵy ákimdikter quzyretine jatatyn máselege qatysty petısıaǵa aýmaq turǵyndarynyń 1 paıyzy, al máslıhattyń quzyretindegi túıtkil bolsa halyqtyń 2 paıyz daýysy jınalý kerek. Úkimettik deńgeıdegi máseleni qaraý úshin petısıaǵa keminde 50 myń turǵyn qol qoıýy tıis. Qazaqstandyqtar petısıany arnaıy ınternet portal arqyly bere alady.
«Mundaı jańa normalar aldaǵy ýaqytta qoǵamnyń qajettilikterin barynsha eskerýge múmkindik berýi tıis. Osylaısha halyqtyń kókeıindegi máselelerdi memlekettik organdarǵa turaqty túrde jetkizýdiń zańdstyrylǵan qosymsha tetikteri qalyptasady. Bul óz kezeginde azamattarymyzdyń memleketik basqarý ınstıtýttaryna degen senimin arttyryp, elimizdiń damýyna oń yqpal etedi dep senemin», - deıdi QR Parlamenti Senatynyń tóraǵasy Máýlen Áshimbaev.