Qazaqstanǵa Reseı valúta naryǵynda saýda-sattyqqa jol berilmeıtin boldy, dep habarlaıdy Almaty-akshamy.kz.
PRO Kadry kz Telegram-kanalynyń habarlaýynsha, Reseı Úkimeti bankter men brokerler Reseı valúta naryǵyna jiberiletin «dostyq jáne beıtarap elderdiń» tizimin bekitti.
Olar - Ázirbaıjan, Armenıa, Belarýs, Qyrǵyzstan, Tájikstan, Túrikmenstan, Ózbekstan, Aljır, Bangladesh, Bahreın, Brazılıa, Venesýela, Vetnam, Egıpet, Úndistan, Indonezıa, Iran, Qatar, Qytaı, Kýba, Malaızıa, Marokko, Mońǵolıa, Birikken Arab Ámirlikteri, Oman, Pákistan, Saýd Arabıasy, Serbıa, Taıland, Túrkıa, Ońtústik Afrıka Respýblıkasy.
Bul tizimde Qazaqstan joq, oǵan tipti Reseıdiń buqaralyq aqparat quraldary da nazar aýdarǵan.
«Bul normalar dostyq jáne beıtarap elderdiń ulttyq valútalaryn tikeleı aıyrbastaý mehanızminiń tıimdiligin arttyrýǵa jáne Reseı ekonomıkasynyń ulttyq valútadaǵy esep aıyrysýlarǵa degen suranysyn qanaǵattandyrý úshin rúblge tikeleı baǵa belgileýdi qalyptastyrýǵa baǵyttalǵan», - dep habarlaıdy Reseı Federasıasynyń Úkimeti.