Oqý jylynyń basynan bastap elimizdiń toǵyz óńirinde «DosbolLIKE» býllıngke qarsy baǵdarlamasyn aprobasıalaý jalǵasady, dep habarlaıdy aqshamnews.kz.
Oǵan 70 myńǵa jýyq oqýshy jáne bilim berý uıymdarynyń 5 myńnan astam qyzmetkeri qatysady. Bul týraly Oqý-aǵartý mınıstrliginiń baspasóz qyzmeti habarlaǵan.
«Pılottyq baǵdarlamany júzege asyrý úshin aımaqtardy tańdaý kámeletke tolmaǵandar arasyndaǵy quqyq buzýshylyq pen aýtodestrýktıvti minez-qulyq kórsetkishterin eskere otyryp júrgizildi. Baǵdarlamany aprobasıalaý barysynda pılottyq mektepterdiń barlyq qyzmetkerleri úshin mektep ujymdarynda daýly jaǵdaılardyń týyndaýyna áser etetin sebepter men faktorlardyń aldyn alý jáne anyqtaý boıynsha oqytý uıymdastyrylatyn jáne praktıkalyq is-sharalar ótkiziletin bolady. Sondaı-aq «DosbolLIKE» baǵdarlamasyn iske asyrýdyń mindetteri men ádisterin túsindirý boıynsha oqýshylar men ata-analarǵa arnalǵan túrli is-sharalar qarastyrylǵan», dep atap ótti Oqý-aǵartý mınıstrligi Balalardyń quqyqtaryn qorǵaý komıtetiniń tóraǵasy Nasymjan Ospanova.
Aıta keteıik, atalǵan jumys oqý jylynyń sońyna deıin jalǵasady, bul baǵdarlamanyń nátıjeliligin neǵurlym tıimdi baǵalaýǵa jáne ony eldiń bilim berý uıymdarynda odan ári engizý úshin qajetti túzetýler engizýge múmkindik beredi.