Almatyda JRVI men tumaý boıynsha epıdemologıalyq jaǵdaı turaqty. Ótken aptada qala aýmaǵynda JRVI – nyń 9890 jaǵdaıy tirkeldi, bul ótken aptanyń kórsetkishi deńgeıinde jáne ótken jyldyń uqsas kezeńiniń kórsetkishinen 9,8% - ǵa tómen. Bul týraly ÓKQ alańynda Almaty qalasy Sanıtarlyq-epıdemıologıalyq baqylaý departamenti basshysynyń orynbasary Ásel Qalyqova keńirek aıtyp berdi, dep habarlaıdy aqshamnews.kz
Á.Qalyqovanyń keltirgen derekterine saı, qalada maýsym bastalǵannan beri tumaýdyń A/H3N2 tıpti vırýsy taralǵan, tumaýmen syrqattanýshylyqtyń barlyǵy 232 jaǵdaıy tirkeldi.
«Aǵymdaǵy jyldyń 7 aıynda JRVI-niń 447 062 jaǵdaıy tirkeldi, syrqattanýshylyq kórsetkishi 19 500,83 qurady, bul ótken jyldyń sáıkes kezeńimen salystyrǵanda 8,8% - ǵa joǵary. Syrqattanyp qalǵandardyń 61,7%-yn balalar qurap otyr», - dep bólisti ol.
Epıdemıaǵa deıingi maýsymnyń basynan bastap naýqastardan alynǵan 348 materıal tumaýǵa tán emes ınfeksıalarǵa zertteldi, onyń ishinde 115 PTR ádisi arqyly tekserildi: 57 synamadan rınovırýs, 11 synamadan paragrıpp, 22 synamadan RS, 5- synamadan metapnevmovırýs, 5 synamadan bokavırýs, 6 synamadan -adenovırýs, 9 synamadan maýsymdyq koronavırýs anyqtaldy.
Sondaı-aq, Sovid-19-ǵa naýqastardan 290 synama alynyp zertteldi, onyń ishinde 58-i oń nátıje kórsetti.
«Táýekel tobyndaǵy» adamdardy vaksınasıalaý úshin 210 000 doza mólsherinde úsh valentti tumaýǵa qarsy «Grıppol Plús» vaksınasy satyp alyndy. Tumaýǵa qarsy vaksınasıa qyrkúıek aıynan bastalyp, qarasha aıynyń aıaǵyna deıin jalǵasady.
«2023 jyly jergilikti búdjet qarajatynan «táýekel tobyndaǵy» adamdardy vaksınasıalaý úshin 250 000 doza mólsherinde Reseıde óndirilgen tumaýǵa qarsy «Grıppol Plús» úsh valentti vaksına satyp alyndy. Jalpy Almaty qalasy boıynsha tumaýǵa qarsy 257 495 adam egildi, bul qalanyń jalpy halqynyń 11,5% - qurady, onyń ishinde 250 000-y «táýekel tobyndaǵy» adamdar», - dep tolyqtyrdy Á.Qalyqova.
Sonymen qatar, jańa epıdemıologıalyq maýsymǵa daıyndyq barysynda qalanyń medısınalyq mekemelerinde úıde qyzmet kórsetýge arnalǵan qosymsha kereýetter men avtokólikter qarastyrylǵan, sondaı-aq tumaýǵa qarsy preparattar men medısınalyq maskalar qory daıyndalǵan.
Almaty qalasynyń Ulttyq saraptama ortalyǵynyń fılıalynda tumaý vırýstary men basqa da JRVI aınalymyna zerthanalyq monıtorıń júrgizýge arnalǵan test júıesi bar.